ماذا تفعل العروسه ليلة الدخله, نصائح للعروسه في ليلة الدخله

سلام عليكم ورحمة الله وبركاته

ازيكم يا بنات يارب تكونو بخير دايما ..

طبعا الصيف دخل والافراح بدات ... واكيد ان شاء الله في بنوتات كتير هنا افراحهم ف الصيف ... عشان كدة حبيت انزل

الموضوع دة عشان الحقكم قبل الفرح ... وربنا يعيني واوصل اللي عايزة اقوله ويكرمكم بكل خير ياااااااااااااارب ,,,

طبعا من اول ما الواحدة بتتخطب بيبدأ السرحان في بعبع "ليلة الدخلة" وبنكد على نفسنا اجمل ايام حياتنا ...

فبعد سنة وشهر من جوازي حبيت اقولكم تجربتي ف الموضوع دا ... واللي فهمته بعد كدة .,.

انا دخلتي كانت تقريبا بعد عشرين يوم من جوازي .. لاني كنت بخاف .. ومرة اعيط ومرة يغم عليا ومرة اعمل هبلة

الكلام دة اول اسبوعين الاسبوع التالت جوزي رمى طوبتي زي ما بيقولو لغاية ما ف يوم معرفش ازاي صحينا من النوم وجربنا وكل حاجة خلصت .. معرفش ازاي لدرجة اني مصدقتش انه خلص ورحت للدكتورة عشان اتاكد وضحكت عليا ..

ولما الموضوع خلص دعيت على كل واحدة قالت كلام مش صح او كانت بتتدلع وعملت حوار عشان تبين قد ايه هي رقيقة

عايزة اقولكم كلكم ان مفيش اي حاجة بتوجع بجد مش هزار والله كلامي بجد وحقيقي ...

تاني حاجة حوار الدم مش بحر زي ما بيقولو انا شخصيا ولا نقطة والدكتورة قالتلي من القهوة والمنبهات ..

انا مش حابة اقولكم ايه اللي حصل يوم الفرح عشان بجد هتضحكو عليا ... وانا بحس اد ايه انا كنت هبلللللة


بس اللي فهمته بعد كدة ..

ان حوار الخوف دة من التربية الغلط اللي احنا اتربيناها .. وهو انهم يخوفونا اووووي عشان منعملش حاجة غلط قبل الجواز

على فكرة اللي بتخاف من الموضوع دة قبل الجواز والله والله والله بتفضل تخاف منه حتى بعد ما تتجوز والموضوع يخلص معاها

لان الخوف بقى حاجة لا ارادية .. مفيش حاجة بتوجعك لكن برضو خايفة !!

عشان كدة يا بنات والله مفيش اي حاجة بتوجع وربنا شاهد على كلامي الخوف هو اللي بيحسسك بكدة انا لما قعدت مع اختي اللي متجوزة قبلي وصاحبتي اكدولي الكلام دة وكمان في بنات كتير انا متأكدة انهم هيقولو نفس الكلام في التعليقات ..

يبقى خلاصة الموضوع ..

-- متفكريش ف حاجة يوم الفرح غير الفرح لان اليوم دة مش هيتعوض ..

-- ليلة الدخلة دة كابوس اهبل اوي وعلى مفيش والله وياريت متفكريش في حاجة غير جوزك اللي بتحبيه

-- ياريت تشتري الحاجات دي قبل الفرح جل .ky او ku دة مهم جدا يا بنات ... لانهم فيه معقم وكمان غسول اي نوع نضيف

-- لازم تهتمي بنضافة المنطقة الحساسة اووووي وانها دايما تكون نضيفة ريحتها حلوة لان اول انبطاع مش بيتنسي

-- في كتاب حلو جداااا نزليه من ع النت اسمه تحفة العروس واقريه واديه هدية لعريسك قبل الفرح ف اي وقت رومانسي بينكم اديله الكتاب هدية يقراه ..

-- لما حد يسألك تاني يوم الفرح ايه اللي حصل قولي الحمد لله سواء خلصتو الموضوع او لا لانهم هيقرفوكي كل يوم لغاية ما يطمنو

-- اووووووووووووعي !!!!! حد يسألك على معاد البيريود وتقوليله لانهم باختصار هيفضلو يحسبولك كل شهر ايام التبويض ويسالوكي كل شهر حامل ولا لا ,,


-- اللانجيريهات في حاجات سافلة حبتين  متلبسهاش من اول يوم انا شخصيا لبستها بعد 3 شهور  في حاجات رقيقة وحلوة اوي زي سواريهات بس مش شيفونات وعريانة وكدة بتبقى حاجات لذيذة وبتخلي شكلك مزة وبعد ما تتعودي ع الحوار ابقى البسي الحاجات السافلة ..

-- اهم حاااااااااااااااااااااجة فترة الجواز الاولى طبعا ناس داخلة وناس خارجة خلي دايما سورة البقرة شغالة ف البيت عشان الحسد لان انتي مش بتكوني عارفة اللي جوا قلوب كل اللي بيزورك في منهم غيران او حاقد او محروم لازم تعملي حساب كل دة

-- وقت الجماع لازم تقولو الدعاء " اللهم جنبنا الشيطان وجنب الشيطان ما رزقتنا " عشان لما ربنا يكرمكم بولاد يبقى ربنا حافظهم

-- اذا بعد الشر ربنا مكرمكيش بالحمل من اول الجواز اووووووووووعي تسمعي كلام حد وتروحي لدكتورة قبل ما تكملي سنة حتى لو اتنططوا حواليكي زي القرود لانك هتضيعي اجمل ايام وهي اول سنة ف الهم والشك والحيرة كل شهر حامل ولا لا وهتدخلي ف دوامة دكاترة وف الاخر مش هتخلفي غير ف الوقت اللي ربنا كاتبهولك ..

-- اخر حاجة يا حبايبي اوووووووعي تتجوزي واحد مش بتحبيه لو مش قادرة تقبليه حرام تظلمي نفسك وتظلميه معاكي دي كانت اخر حاجة ف بالي ويااااااااارب اكون افدتكم بموضوع اللي مش منظم خالص لكن هي نصيحة انا من يوم ما مريت بالموقف دا وانا بقولها لكل واحدة هتتجوز ....

لو افتكرت حاجة تانية هبقى اقولكم عليها ...

ربنا يكرمكم كلكم ياارب ويرزق كل واحدة بحب صادق من جوزها ياااااااااارب وربنا يرضيكم في حياتكم ويرزقكم بالذرية الصالحة والسعادة الدايمة .... ياااااارب

ياريت اللي تمر من هنا تدعيلي بالذرية الصالحة حتى لو ف سرها .. انا راضية


اي استفسار انا تحت امركم